Gandhi: “Saya Suka Yesusmu, tapi Kamu Sangat Berbeda dengan Dia”

TONG SAMUA BASUDARA MARI MULIAKAN TONG PE PAPA SURGAWI

SAUDARA-SAUDARA YANG DIKASIHI TUHAN YESUS DAN SAYA JUGA! DONG MO PERCAYA APA, ITU DORANG PE KEPUTUSAN DAN PILIHAN SANDIRI. TOANG SAMUA MANUSIA YANG DICIPTAKAN MEMPUNYAI OTAK BAPIKIR SESUAI DENGAN PENGERTIAN, LATAR BELAKANG DENG GENES YANG ADA DIDALAM TORANG PE OTAK DAN TUBUH. KITA ADA SATU ADE YANG PALING ANEH DE PE PIKIRAN. DIA PARA MATI NING MO MAKANG ITU TERONG, OOPS, SO RIKI LUPA ITU FOKI-FOKI…

OK. TORANG SO SETENGAH MATI AJAR PA DIA RIKI TU LIDA SO MO TABEMBENG RIKI DI HOLE-HOLE, DENG MULU SO RIKI BABUSA, MAR BAHWA SAMUA ITU BUAH DENG SAYOR YANG WARNA UNGU GELAP DENGAN MERAH DAN KUNING SEKALI, ITU PALING BAGUS FOR KESEHATAN DARI DE PE KANDUNGAN ANTOSIANIN PALING BANYA. JADI BERAS HITAM, FOKI-FOKI, POPAYA, AKAR KUNING DENG BEETROOT, AKAR MERAH STOU, KANG? PALING BANYAK DE PE VITAMIN DENG ANTICARCINOGEN, ANTI KANKER. MAR MANA DIA MO PERCAYA. DIA CUMA BILANG: NGONI DOKTER STOU? DIA PE ALASAN, MANUSIA BUKANG BINATANG YANG BODOH, NYANDA ADA ONTAK DENG NYANDA PAKE PANCA INDERA. “NGONI NING TAU LIA ITU FOKI-FOKI GORENG DE PE BENTUK DENG WARNA, DENG BOBOU KALU SO DIGORENG? NGONI NING TAU LIA ITU POPAYA KUNING KONG LOMBO-LOMBO KONG BOBOU OBAT KARBOL DI WC, STOU? NGONI NING BOLEH LIA ITU BEETROOT PE WARNA RUPA DARAH KONG DE PE BOBOU LEI RUPA DARAH, STOU?

YA ,TERPAKSA TORANG CUMA BADIANG DAN TATAWA RASA LUCU. TONG NING MO PAKSA PA DIA. COBA NGANA PIKIR KALU TORANG SAMUA BAKU BANTAH RIKI ITU LIDAH ANAK TASANGKO DI GARGANTANG ATAU TASOPU DARI LUBANG IDONG, KONG BA TARIA: “NGANA DASAR BODOH, TOLOL, GOBLOG, MO AJAR BAE TARE NING MO TERIMA, DASAR BEGO, NING TO MALO, SAMA JO ORANG YAHUDO YANG TINGGAL DI KAMPUNG KODO… NGANA DASAR ANAK TERKUTUK BUKANG TONG PE PAPA YANG TAMATAN DARI LEIDEN UNIVERSITY PE ANAK NGANA!… BLA…BLA…BLA… PASTI NGANA CUMA ANAK PUNGU DARI PINGGIR JALAN DI PEMBUANGAN SAMPAH!… BIAR NGANA MATI TERKUTUK JO KALU BAGITU.

NGANA KIRA TONG PE PAPA AKANG SENANG DENGAR ITU. DAN APA NGANA RASA ITU BIRMAN SAMUA PUJI PA TORANG KONG BILANG, WOW, LIA ITU PAK LIE, PE ANAK BAGITU PE BAE-BAE KANG, ITU SATU BUKTI DONG PE PAPA KATU PANDE SEKALI AJAR PA DORANG BAKU HORMAT DENG BAKU SAYANG DARI DORANG SAMUA BASUDARA! TANTU NYANDA. SEBALIKNYA DORANG AKANG BILANG, WAH ITU, PAK YUSUF LIE, PE NING TO AJAR ANAK, KANG? KEAPA DONG PE ANAK DODO BAGITU PE NYANDA TAU BAKU SAYANG, NYANDA MANGARTI SOPAN SANTUN DAN NING TAU ITU ARTI BAKU SAYANG DARI TORANG SAMA-SAMA TETA MANIS PE ANAK, JADI BASUDARA SATU DARAH, KWA! IYO NYANDA?

SATU KALI INDIRA GANDHI WAKTU SO MO BALE DARI ENGLAND DIMANA DIA SO SEKOLAH BEGITU PE LAMA DORANG TANYA PA DIA: WHAT DO YOU THINK ABOUT CHRISTIANITY? DIA MANYAU: “I LIKE YOUR CHRIST, BUT YOU CHRISTIANS ARE SO UNLIKE HIM!” (KITA SUKA PA NGANA PE KRISTUS, MAR NGONI ORANG KRISTEN BAGITU PE NYANDA SAMA DENGAN DIA!).

SO ITU DE PE SEBAB KITA BAKU DAPA DENG BANYAK BANI KEDAR, BANI BUDDHIS, BANI KONGHUTJU, BANI HINDU DENG ORANG YANG NYANDA ADA TUHAN, SAMUA BASUSERE TENTANG ORANG KRISTEN: “KALU NGONI PE BAPA SATU, NGONI PE ALKITAB SATU, NGONI DIPIMPIN OLEH ROH KUDUS YANG SAMA, KEAPA DANG NGONI BAKU BINCI, BAKU SUSERE, DAN BAKU MENUDUH SATU SAMA LAIN SESAT DAN SALAH?” SIAPA PE NAMA YANG DIHINA DAN DINISTA? TONG PE BAPA YANG DI SORGA!

DARI ITU KITA SEKARANG MO KASE NASIHAT PA NGONI SAMUA. SO CUKUP TORANG BAKU AMBE, MARI JO TONG SAMUA PAKE TOLERANSI, DAN TUNJUNG ITU HUKUM KASIH YANG BENAR BUKANG CUMA DI BIBIR ALIAS LIP SERVICE. KAN YANG MO JADI HAKIM ADALAH TUHAN YESUS SANDIRI BUKANG TORANG. BIAR AKANG JO KASANA, MASING-MASING PILIH DORANG PE SUKA. YANG MO PILIH SAPA TU LALANG DAN SAPA ITU GANDUM, SAPA KAMBING DAN SAPA DOMBA, BUKANG KWA TORANG. BACA BAE-BAE DALAM ALKITAB, BAHWA DIA AKAN MENYURUHKAN MALAIKAT-MALAIKATNYA MENGUMPULKAN TUAIANNYA, DAN MEMASUKKAN GANDUM KEDALAM LUMBUNG, DAN LALANG DIKUMPULKAN UNTUK DIBAKAR.

Kalu dia suruh pa torang kumpul dan pisahkan itu lalang dengan gandum, pasti torang akang bekeng kesalahan. Pasti itu pencuri di salib nyanda ada kans kasiang untuk selamat dari samua orang yang kenal pa dia, Cuma tau dia itu bangsat kriminil yang pantas dihukum mati dan dibuang di api neraka! Nyanda kwa?

Leave a Reply